ሰራዊቱን መቆጣጠር አልቻላችሁም በሚል ሰበብ በማእከላዊ እዝ፤ በ 31ኛ ክ/ጦር ፤ በ1ኛ ሬጅመንት በየደረጃው በሚገኙ የሰራዊት አመራሮች ላይ የማእርግ እድገት እገዳ መደረጉን ከቦታው የደረሰን ዘገባ ያመለክታል።

በደረሰን ዘገባ መሰረት አብዛኛዎቹ ፈቃድ ተሰጥቷቸው ቤተሰቦቻቸውን ለመጠየቅ ከሄዱት የ 31ኛ ክ/ጦር የ 1ኛ ሬጅመንት አባላት ወደ ምድብ ቦታቸው ስላልተመለሱና አንዳንዶችም ወደ ተቋዋሚው ጎራ ተቀላቅለዋል በሚል ሰበብ በሬጅመንቷ በየደረጃው በሚገኙት የሰራዊቱ አመራሮች ላይ የማእርግ እድገት እገዳ መደረጉን ለማወቅ ተችለዋል።

የማእርግ እድገት ደረጃ እገዳ ከተደረገባቸው የ 1ኛ ሬጅመንት አመራሮች መካከል መ/አ ታፈረ የሬጅመንቷ የሞርታር ምድብ አመራር የነበረና ወደ ተቋዋሚው ጎራ  የተቀላቀለ ፤ ‘ወዲ አማረ’ በሚል የሚታወቅ ፲/አ ደምበለ ወደ ቤተሰቡ ፈቃድ ሄዶ ያልተመለሰና ሌሎች በርካቶች ይገኝባቸዋል ።

በመከላከያ ሰራዊት ውስጥ ከግዜ ወደ ግዜ እየተባባሰ በመሄድ ላይ ያለውን ብልሹ አሰራር ምክንያት በስርዓቱ ላይ እምነት ያጡ የሰራዊቱ አባላት በየግዜው የጦር ክፍላቸውን በመክዳት እደሚጠፉ የሚታወቅ ነው።