ኣብ ምክልኻል ሰራዊት ኣባላት ማእኸላይ እዚ ካብ ዝኾኑ ወተሃደራት መዓልታዊ ልዕሊ 40 ከም ዝኸድዑ ካብ 3 ክሳብ 5 ጥሪ 2005 ዓ/ም ኣብ ዝተኻየደ ኣኼባ ተገሊፁ።

ኣብቲ ካብ ኣዘዝቲ ቦጦሎኒ ንላዕሊ ዝኾኑ ዝተረኸብሉ ኣኼባ ኣብ ክልተ ቦታ ተኸፊሉ ኣብ ዝተኻየደ ናይ 6 ወርሒ ገምጋም፣ ብብርጋዴር ጀነራል ይብራህ ዘሪሁን /ወዲ ዘሪሁንን/ ብኮነሌል ወዲ መስፍን ዝተመርሐ እንትኾን፣ እቲ ቀንዲ ኣጀንዳ ኮይኑ ዝቐረበ ወተሃደራት ንምንታይ ይኸድዑ ኣለው ዝብል ከም ዝነበረ ካብ ኣብቶም ተኣከብቲ  ዝተረኸበ ሓበሬታ ኣረዲኡ።

 ብመሰረት እቲ ሓበሬታ እቲ ብ3 ጥሪ 2005 ዓ/ም ዝጀመረን ንሰለስተ መዓልታት ዝተኻየደ ኣኼባ ኣብ መዛዘሚኡ ኣብ ታሕቲ ገምጋም ክካየድ ከም ዘለዎ መምርሒ ብምሃብ ከም ዝተዛዘመ ተፈሊጡ።

እዚ ከምዚ ኢሉ እንከሎ ካብ ማእኸላይ እዚ ጥራይ ክኸድዑ ተታሒዞም ብዝብል ልዕሊ 2000 ወተሃደራት ኣብ ከተማ ሽረ እንዳስላሴ ተኣሲሮም ከም ዘለው ካብታ ከተማ ዝተረኸበ ሓበሬታ የመልክት።