ኣብ ዞባ ማእኸል ትግራይ ኣብ ከተማ ዓድዋ ካብ ዝርከብ መሰልጠኒ ሞያን ቴክኒክን ቅድስተማርያም ተማሂሮም ዝተመረቑ ተማሃሮ ስራሕ ብምስኣኖም ኣብ ዝተፈላለየ ሕሱር ተግባራት ክዋፈሩ ከምዝተገደዱ ተሓቢሩ፣

እቶም ካብ መሰልጠኒ ሞያን ቴክኒክን ካብ ካልኦት ላዕለዎት ትካላት ትምህርቲ ብዝተፈላለየ ዓዉዲ ትምህርቲ ዝተመረቑ ተማሃሮ ኣባላት ህወሓት ማሌሊት ብዘይምዃኖም ጥራሕ ስራሕ መንግስቲ ከይሕዙ ብምግባር። ብኣንፃሩ ኣባላት ኮይኖም ንዝቑፀሩ ግና ሙሉእ ናይ ስራሕ ዕድል ይዋሃቦም ከም ዘሎ ካብቶም ኣድልዎ ዝተፈፀሞም ምሩቛት ተማሃሮ ዝተረኸበ ሓበሬታ ኣረዲኡ፣

ብሰንኪ ግዕዙይ ፖሊሲን ኣመራርሓን ወያነ ኢህወዴግ መንእሰይ ኣብ መረበቱ ወዲ ገዛን ወዲ ግዳምን ብዝዓይነቱ ተነፃፂሉ እቲ ኣብዝሓ ይግፋዕ እቲ ዉሑድ ፀግዒ ናሃታቶም ድማ ተረባሒ ይኸዉን ከም ዘሎ ምስ ኣረድኡ። እቶም ግዳያት ኣስዒቦም “ተማሂርካ ኣይተማሃርካ ኩሉ ወዮ ኮይኑ ኣሎ ንዓና ዝኸዉን መንግስቲ ይምፀኣልና” ብምባል ብምረት ይዛረብ ከም ዘሎ ካብ ከተማ ዓድዋ ዝተረኸበ ሓበሬታ ኣመልኪቱ፣