ኣብ ኣኽሱም ዩኒቨርሲቲ ኣብ ዝሓለፈ ቅንያት ኣብ ዝተገበረ ናይ ተማሃሮ ተቓውሞ ናይቲ ዩኒቨርሲቲ ናይ ሰርቪስ መካይን ከም ዝዓነዋ ተፈሊጡ፣

ብመሰረት እቲ ዝተረኸበ ሓበሬታ ናይቲ ዩኒቨርሲቲ ንብረት ዝኾና ናይ ሰርቪስ መካይን ዝዓነዋ እንትኾና። ዶ/ር መብራህቱ ናይ ዝተብሃለ ዲን ኣኽሱም ዩኒቨርሲቲ እዉን ላንድ ኩረዘር ዝዓይነታ  ናይ እግሩ መኪና ኣብቲ ብተምሃሮ ዝተገበረ ናይ ተቓውሞ ምንቕስቃስ ከም ዝዓነወት ካብ ከተማ ኣኽሱም ዝተረኸበ ሓበሬታ ኣመልኪቱ፣

ብተወሳኺ ነቲ ኣብ ኣኽሱም ዩኒቨርሲቲ ብተምሃሮ ዝተልዓለ ናይ መሰልን ዴሞክራስያውን ሕቶ ንምዕፋንን ህዝቢ ከይፈልጦ ንምግባርን ካብ ማእኸላይ እዚ ብርክት ዝበሉ ወተሃደራት ካብ ሽረ ብምምፃእ ነቶም መከላኽሊ ዘይነበሮም ብድምፆም ጥራሕ ሕትኦም ዘስምዑ ኣብ ልዕሊ ዝነበሩ ተማሃሮ ከቢድ ጉድኣት ከም ዘዉረዱ። ካብቶም ዝተጎድኡ ተማሃሮ ኣብ ቅድስተማርያም ሆስፒታል ኣኽሱም ደቂሶም ከምዘለዉ  ዝበፅሓና ሓበሬታ ኣረዲኡ፣

እዚ ከምዚ ኢሉ እንከሎ እቲ ዝተወለዐ ናይ ተምሃሮ ምንቕስቃስ እቲ ዩንቨርሲቲን ሓለፍትን ዝተለዓለ ወጥሪ ከም ዘይተረጋግአ ንምፍላጥ ተኻኢሉ፣