ነባሪ ህዝቢ ከተማ መቐለ ዝሰተ ፅሩይ ማይ ስኢኑ ኣብ ከቢድ ፀገም ወዲቖም ከም ዘሎ ምንጭታትና ካብታ ከተማ ገሊፆም፣

ብመሰረት እቲ ሓበሬታ። ነበርቲ ከተማ መቐለ ካብ’ቲ ዝሓለፈ ግዜታት ብዝኸፍአ መልክዑ ኣብ መላእ እታ ከተማ ካብ 18 ጥቅምቲ 2007 ዓ/ም ኣትሒዙ ክሳብ ሕዚ። ህዝቢ ንዝስተ ይኹን መብሰሊ ምግቢ ዝዉዕል ፅሩይ ማይ ስኢኑ ተፀጊሙ ኣብ ዝርከበሉ። ናብ ዝምልከቶም ኣካላት ብተደጋጋሚ ጥርዓናት ዋላ’ኳ እንተቕረበ ምምሕዳር እታ ከተማ ግን ዝወሰዶ ፍታሕ ከም ዘየሎ ተፈሊጡ፣

   በቲ ኣጋጢሙ ዘሎ ስእነት ፅሩይ ዝስተ ማይ ዝፈጠሮ ፀገም ፅሬቱ ዘይሓለወ ማይ ኣብ ዝጥቀምሉ ብፍላይ ትሕቲ ዕድመ ህፃናት  ኣዝዮም ተጠቒዖም ከም ዘለው ዝገለፀ እቲ ሓበሬታ፦ ሰብ ሃፍቲ እታ ከተማ ድማ ካብ ከባቢታት ክልተ ኣውላዕሎ፤ ገረብ ግባን ማይ መኽደንን ብመኪና የምፅኡ ኣብ ዘለዉሉ እቲ ድኻ ሕብረተሰብ ግን ናብ ዘብሎ ስኢኑ ኣብ ከቢድ ቅልውላው ወዲቑ ከም ዘሎ እቲ ሓበሬታ የረድእ፣