በምንጮቻችን መረጃ መሰረት በሶማሌ ክልል ፊቅ ዞን ከተማ ድንዱማት በተባለው አካባቢ የሚገኙ የኢህአዴግ ስርዓት ሚሊሻዎች
ታህሳስ 22/2007 ዓ/ም ማንነታቸው ባልታወቁ ታጣቂዎች ተግድለው እንደተገኙ የገለፀው መረጃው ገዳዮችም የኦጋዴን ነፃ አውጪ ግንባር
/ኦብነግ/ ሳይሆን አይቀርም በማለት የአካባቢው ህዝብ እየተናገረ መሆኑን የተገኘው መረጃ አስታወቀ።
በዚሁ ሁኔታ ስጋት ላይ የወደቁ የአካባቢው አስተዳዳሪዎች ከ40 ኪ/ሜትር
በማይበልጥ ርቀት ላይ የጥበቃ ኬላዎችን ማቆማቸውንና በአካባቢው የሚንቀሳቀሰውን ነዋሪ ህዝብም የመታወቂያ ወረቀት በመጠየቅ እያንገላቱትና ከቦታ ወደ ቦታ ተንቀሳቅሶ ማህበራዊ ኑሮውን
እንዳይመራ ችግር እየፈጠሩበት መሆኑን መረጃው አክሎ አስረድቷል።
