ሕጋዊ ፍቓድ ዘይብሎም ናብ ግዝኣተይ ኣትዮም ዝበሎም 50 ኢትዮጵያዊያን ስደተኛታት ኣብ ትሕቲ ቁፅፅር ከም ዘውዓለ ናይ ማላዊ ናይ ስደተኛታት ጉዳይ ኣፍሊጡ።

 እቶም ኢትዮጵያዊያን ስደተኛታት ሕጋዊ ናይ ጉዕዞ ሰነድ ከየማልኡ ብሰሜናዊ ናይ ማላዊ ግዝኣት እናኣተዉ ከም ዝተትሓዙ ናይ ስደተኛታት ጉዳይ ወሃቢ ቃል ዝኾኑ ፍራንሲስ ቺቲንቡሊ ገሊፆም።

  እቶም ስደተኛታት ዕድሚኦም ብማእኸላይ ካብ 15 ክሳብ 40 ዓመት ዝግመት እንትኸውን ሚቢያ ካብ ዝበሃል ናይ ታንዛንያ ግዝኣት ጀልባ ተኻርዮም ናብ ማላዊ ወረዳ ኒካታ ዝኾነ ወሰን ባሕሪ ይጎዓዙ ነይሮም።   

  ኣብቲ ዝሓለፈ ሰሙን ‘ውን ሞዛምቢክ 50 ኢትዮጵያውያን ስደተኛታት ካብ ሃገራ ከም ዘባረረት ኣብ ናይ ዜና እወጃና ገሊፅና ምንባርና ዝዝከር እዩ። ኣብ ኢትዮጵያ እናኸፍአ ብዝመፅእ ዘሎ ፖለቲካውን ኢኮኖሚያውን ዘይምርግጋእ ምኽንያት በቢመዓልቱ ብኣሸሓት ዝቑፀሩ ኢትዮጵያውያን ሃገሮም ገዲፎም ከም ዝስደዱ ሓበሬታታት የመላኽቱ።