የሽረ-እንዳስላሰ ከተማ ኗሪዎች መንግስት በጣለብን ከፍተኛ ግብር ሃገራችን ጥለን እንድንሰደድ እያስገደደን ነው ይላሉ።

ኢፍትሃዊ በሆነው የግብር አከፋፈል የተማረሩ የከተማዋ ኗሪዎች ነሃሴ 5,2005 ዓ/ም ለዞኑ አስተዳደር አቶ ሚኪኤለ አብረሃ ቅሬታቸውን ለመግለጽ ቢሄዱም አስተዳዳሪው የህዝቡን ቅሬታ በማድመጥ መፍትሄ እንዳልሰጣው ኗሪዎቹ ይናገራሉ።

ወደ አስተዳደሩ ከሄዱት የከተማዋ ኗሪዎች መካከል በከተማዋ ሆቴል ያላቸ ቄስ ግደይ የተባሉ ኗሪ ፤ መንግስት በሚከተለው ብልሹ አሰራርና በሚጭንብን ከፍተኛ ግብር አገራችን ጥለን እንድንሰደድ እየተደረገ ነው ፥ ካሁን ብሁዋላ የምጠብቀው ነገር የለም እንዲህ ዓይነቱ ብልሹ አሰራር አንድ መፍትሄ ካልተበጀለት ሰው እየተሰደደ ከተማዋ ዎና ትሆናለች ሲሉ በስሜት መናገራቸውን ከቦታው የደረሰን ዘገባ ያመለክታል።