መንእሰይ ብሰንኪ ስእነት ስራሕ ኣብ ዘይድሊ ቦታት ግዝኡ ንኾንቱ የባኽኖ ከም ዘሎ ግዱሳት ተዓዘብቲ ገሊፆም።

ኣብ ኩለን ከተመታት ክልል ትግራይ ዝርከቡ ትምህርቶም ኣብ ኮሎጃትን ዩንቨርሲቲታትን ተማሂሮም ህይወቶም ዝመርሕሉ ስራሕ ዘይረኸቡ ብርክት ዝበሉ መናእሰይ ዓቕሊ ፅበትን ጭቅን ዝወለዶ ካብ ወለዶምን ኣሕዋቶምን ዝረኸብዎ ገንዘብ ሕዞም ኣብ ዘየድልዩ ኣፀያፊ ተግባር ዝፍፀመሎም እንዳጫትን ኣብያተ መስተን 24 ሰዓት ይዉዕሉ ይሓድሩ ብምህላዎም መፃኢ ጉዕዞ ህይወቶም ዝፀለመተ ኮይኑ ከም ዘሎ  ካብ ከተማ መቐለ ዝተረኸበ  ሓበሬታ ኣፍሊጡ።

ምሁር መንእሰይ ሃገርና ኣብዚ ሕዚ ግዜ ብሰንኪ ንዕኡ ዝፀዉር ስራሕቲ ዘይምስፍሕፍሑን ዘይምህላዉን ንህዝቡን ሃገሩን ክህቦ ዝግብኦ ዝነበረ ኣገልግሎት ክህብ ዘይምኽኣሉን ናብ ዓዲ ጓና ክስደድ ኣብ ፈቐዶ ሰሃራ በረኻን ባሕሪን ከቋርፅ ህይወቱ ዝቕዘፍ ዘሎ መግለፂ ዘይሓለፍነታዊ ኣብ ስልጣን ዘሎ ስርዓት ኮይኑ፤ ከም ሰዓቤኑ ከዓ ሃገርና ኢትዮጵያ ክተመዝግቦ ዝግብኣ ብ10% ዝግመት ዕቤት ስኢና በብዓመቱ ንድሕሪት ትጉተት ከም ዘላ መርትዖ ኣደጊፎም ተዓዘብቲ  ኣብ ዝሃብዎ ሓበሬታ ኣረዲኦም።

መንእሰይ ሃገርና ኣብ ዉሽጢ ዓዱ ኮይኑ ካብ ናብ ሰርሑ ዘይበልዓላ ቤት ማእሰርቲ ኮይናቶ ኣላ ምስ በሉ፤ ካልእ ተሪፉ ካብ ካልኦት ከተማ ናብ መቐለ መፅኦም ኣብ ስራሕቲ ህንፃ ተኾናቲሮም ክሰርሑ ዝፀንሑ። ብሓይሊታት ፀጥታ ተታሕዞም ካብታ ከተማ ስለ ዝተባረሩ ጀሚረሞ ዝነበሩ ስራሕቲ ኮንስትራክሽን ንሓዋርሕ ተቛርፁ ጠጠዉ ብምባሉ ዘሕዝን ፍፃመ ከም ዝኾነ እቲ ካብ ከተማ መቐለ ካብ ዝተረኸበ  ሓበሬታ ንምፍላጥ ተኻኢሉ።