ነባሪ ህዝቢ ከተማ ኣዲስ ኣበባ ሓደ ንሓሙሽተን ሸዉዓተ ንሰላሳን ብዝብል ኣወዳድባ ወያነ ኢህወዴግ ኣብ መዋጥር ተፀሚዱ ከም ዘሎ ተሓቢሩ።

እቲ ሓደ ንሓሙሽተን ሸውዓተ ንሳላሳን ዝብል ኣወዳድባ ስርዓት ወያነ ኣብ ከተማ ኣዲስ ኣበባ ካብ ዝተኣታቶ ዝፀነሐ እኳ እንተኾነ፤   እቲ ሕዚ ብዝተፈላለዩ ተቃወምቲ ዉድባትን ነፃነት ሃይማኖት ይተሓሎ በሃልትን ዝካየድ ዘሎ ምልዕዓላትን ሰልፍታትን እናተጠናኸረ ከይኸይድን ንምስንኻልን፤ ካብቲ ዝፀነሐ ኣወዳድባ ፍልይ ብዝብለ ዝኾነ ሰብ ምስ ዝተወደበሉ ጉጅለ ብቐፃሊ ክራኸብን ሓበሬታ ክቀባበልን ፍሉይ ምንቅስቓስ እንተሎ ምስ መራሕኡ ክዘራረበሉ ነዚ ዘይገበረ ግና ኣንፃር ሃገር ጠጠዉ ከም ዝበለ ተፈሊጡ ክንቀፍን ብሕጊ ዝሕተት እንተኾይኑ እዉን ብጉጅልኡ ዉሳነ ክዋሃቦ ይግበር ከም ዘሎ ተፈሊጡ።

መርበባት መሓዉር ስለያ እቲ ስርዓት መበግሲኦም ካበዘን ጉጅለታት ንምግባር ብቐንዱ ካደረታት ዓብዪ ዕማም ተዋህብዎም ነዘን ጉጅለታት ኣብ ምጥንኻር ተፀሚዶም  ከም ዘለው በዚ ጨፍላቒ ዝኾነ ኣሰራርሐኦም ኣሸብርቲ ሰሊኾም ኣለዉ ብዝብል ወረን ካድረታት እቲ ስርዓት ዓቕሉ ዝፀበቦ ህዝቢ ኣዲስ ኣበባ ብፍርሕን ራዕድን ተዋሕጡ ዕለታዊ መነባብርኡ ኣብ ምምራሕ ዕንቅፋት ኮይንዎ ከም ዘሎ እቲ ዝበፀሓና ሓበሬታ የረድእ።