ነበርቲ ከተማ ሑመራ ናይ ውሽጢ መንገዲ ንምዕራይ ዘዋፅእዎ ሚልዮናት ገንዘብ ኣብ መዓልኡ ክዉዕል ኣመሓደርቲ ግቡእ ክትትል ብዘይ ምግባሮምን ብምብልሻውን ህዝቢ ነቲ ስራሕ ብ10 ሰነ/2006 ዓ/ም ደው ከም ዘበሎ ተፈሊጡ፣፣

ምንጭታትና ካብታ ከተማ ከም ዝሓበርዎ ነበርቲ ከተማ ሑመራ ነቲ ናይ ከተማ ውሽጣ ውሽጢ ፅርጊያ ንመሰርሒ ኢሎም ብዘዋፅእዎ ገንዘብ ክሰርሕ ኩንትራት ዝሓዞ  ናይ ቻይና ትካል እንትኸውን ዝምልከቶም ኣካላት መንግስቲ ምስቲ ኮንትራክተር ዘየድሊ ርክባት ስለ ዝገብሩን ነቲ ስራሕ ብፅፉፍ ክስራሕ ክትትል ብዘይ ምግባሮምን የባላሽዎ ከም ዘሎ ንምፍላጥ ተኻኢሉ፣፣

     እቲ ሓበሬታ ወሲኹ ከም ዝገለፆ እቶም ነበርቲ ብ10 ሰነ 2006 ዓ/ም ኮንትራክተር ቻይና ነቲ ፅርግያ የበላሽወልና ስለ ዘሎ ብፅቡቕ ክስራሓልና ኢና ንደሊ ብምባል ኣገዲዶም ደው ከም ዘበልዎ ድሕሪ ምግላፅ ኣመሓዳሪ ናይ’ታ ከተማ መፂኡ “ሓቅኹም ኣበላሽዮምዎ እዮም ፅቡቕ ጌርና ክነዐርዮ ኢና” ኢሉ ዋላ’ኳ ብዘረባ ከታልሎም እንተፈተነ ህዝቢ ከተማ ሑመራ ግን ብሚልዮናት ዝኣክል ገንዘብ ኣዋፂእና ከተማና ትበላሾ ኣላ ብዝብል ተቓውሞኦም ይቕፅሉ ከም ዘለው ተፈሊጡ፣፣