ኣብ ወረዳ ላዕላይ ኣድያቦ ጣብያ ዓዲ ክልተ ካብ ዝነብሩ መናእሰይ
ብርክት ዝበሉ ደቂ ተባዕትዮን ደቂ ኣንስትዮን ቀላጮዖ ናብ ዝተብሃለ ፍሉይ ቦታ ከይዶም ወርቂ ክኣርዩ ኣብ ዝፈተንሉ እዋን ኣብ’ቲ
ከባቢ ዝርከቡ ምክልኻል ሰራዊትን ፖላዊስን ንስኹም ወርቂ ክትኣርዩ ዘይኮንኩምስ ንዴምህት ስንቂ ክተቕብሉን ክትተሓባበሩን ደሊኹም
ኢኹም ብምባል ነቶም ኣረይቲ ወርቂ ብሓፈሻ እናቐጥቀጡ ከም ዝኣሰርዎም ተገሊፁ፣፣
ነባሪ ህዝቢ እታ ጣብያ ድማ ልዕሊ ዓቕምና መዳባርያ ብመንግስቲ ዉሰዱ እናተብሃልና
ዝወሰድናዮ መኽፈሊ ስኢና ስሬኹም ብኽሳድኩም ኣዉፂኡዋ ብዝዓይነቱ ብዕዳ ተታሒዝና ኣብ ዘለናሉ ጉልበትናን ረሃፅናን ኣፍሲስና ወርቂ
ኣሪና ዕዳና ከይንኸፍል ብወተሃደራትን ፖላዊስን ሽምና እናፀለመ ክንጭፍጨፍን ክንእሰርን ኣብ ዓድና ቅሳነት ስኢና ርግኣት ዘይብሉ
ህይወት ንመርሕ ኣለና ብምባል ኣብ ልዕሊ ስርዓት ህወሓት-ኢህወዴግ መረርቶም ይገልፁ ምህላዎም እቲ ዝረኸብናዮ ሓበሬታ ወሲኹ ኣረዲኡ፣፣
