ብመሰረት ሓበሬታ ምንጭታትና ነበርቲ ዞባ
ምዕራብ ትግራይ ወገሐ ፀብሐ ብረትኩም ዓጢቕኩም ኣብ ጎኒ መንግስቲ ተሰለፉ እናተብሃሉ ኣብ ኣኼባ ተፀሚዶም ይዉዕሉ ከም ዘለዉ ድሕሪ ምግላፅ ከም ውፂኢቱ ድማ ዕለታዊ መነባብሮኦም ክመርሑ ሰለ ዘይከኣሉ ኣብ’ቲ ስርዓት መረረቶም ኣብ ምስማዕ ከም ዝርከቡ
ተሓቢሩ፣፣
ብፍላይ ኣብ ከተማ ሑመራ ዕጠቑ ዝብል ምልክታ ኣብ ኩሎም ጎደናታትን
ቀበሌታትን ተጠቂዑ ከም ዘሎን ብወገን ነባሪ ህዝቢ ድማ
ኣይንስለፍን ስለ ዝበሉ በዚ ዝሰግኡ ካድረታትን
ኣመሓደርትን እቲ ስርዓት ንነበርቲ እቲ ከተማ መዓልታዊ ናብ ኣኼባ ክወፅእ የገድድዎን ብሓይሊ ስለምንታይ ዘይትዓጥቁ እናበሉ
የፈራርሕዎን ምህላዎም ተፈሊጡ፣፣
ኣብ መወዳእታ ነበርቲ ከተማ ሑመራ ብካድረታት ስርዓት ወያነ ኢህወዴግ
ዝወርዶም ዘሎ ግፍዕታትን ምፍርራሕን ከይዓጀቦም ነቲ ብግዴታ ተዓጠቑ ዝብል መደብ
ከም ዝነፀግዎ እቲ ዝበፅሓና ሓበሬታ የመልክት፣፣
