ብመሰረት ሓበሬታ ምንጭታትና ብ11 ሰነ 2006 ዓ/ም ኣብ ጣብያ ማይ
ካድራ ምክትል ኣመሓዳሪት ወረዳ ቃፍታ ሑመራ ወ/ሮ የሺ ታረቀ ዝተበሃለት ካድረ ምስ ነባሪ ህዝቢ ከይተረዳድአት ብዘይ ኣግባብ
መሬት እናዓቀነት እንከላ ሓንቲ ኣደ ስውእ ዝኾና ወ/ሮ ኣብረሀት ዝተብሃላ መሬት ኣይትዓቅኒ ግራተይ ፍሉጥ እዩ ግደፊ ክብላ
ብምዝራበን እታ ኣመሓዳሪት ነተን ኣደ ስውእ ወቒዓ ኢደን ከም ዝሰበረተን ንምፍላጥ ተኻኢሉ፣፣
እቲ ሓበሬታ ወሲኹ እተን ተበዳሊት መረዳእታ ሕክምና ብምሓዝ ነታ ኣመሓዳሪት ክሲ ክምስርታ ኣብ ዝኸዳሉ ዓቃቢ ሕጊ ድማ ክሲ
ኣይንቕበልን እንተደሊኽን ዕርቂ ግበራ ብምባል ንናይ ምኽሳስ መሰለን ዓጊቱ ንግዕዙይ ተግባር ናይታ በዓልቲ ስልጣን ከይቃላዕ ከም እተኸላኸለላ ኣረዲኡ፣፣
ብተመሳሳሊ ዜና ኣብ ጣብያ ኣደባይ ናይቲ ጣብያ ፀጥታ ሓላፊ
ገብረማርያም ዝተብሃለ መሬት እናመቐለ እንከሎ ገለ ነበርቲ ኣብ ዘይትፈልጦ ኣቲኻ መሬት ኣይትዓቅን እናበልዎ ብዘይ ምስምዑ ሓደ
ሙሉጌታ ፀጋይ ዝተብሃለ መሬቱ ዝተዓቀነሉ ተበዳሊ ነቲ ሓላፊ ፀጥታ ብበትሪ ገይሩ ስለ ዝቐጥቀጦ እቲ ሓላፊ ኣብ ሆስፒታል ኣትዩ
ከም ዝርከብ ተፈሊጡ፣፣
