በሁመራ ከተማ የሚገኝ ህዝብ ጥራቱን የጠበቀ የሚጠጣ ውሃ አጥቶ በከባድ የማህበራዊ ችግር ላይ ወድቆ እንደሚገኝ ተገለፀ።

   በትግራይ ምዕራባዊ ዞን ሁመራ ከተማ የሚገኘው ህዝባችን ጥራቱን የጠበቀ የሚጠጣ ውሃ አጥቶ የተበላሸ ውሃ እየተጠቀመ በመሆኑ ላልተፈለገ የውሃ ወለድ በሽታዎች እየተጋለጠ እንደሚገኝ ያገኘነው መረጃ አመለከተ።

   ነዋሪው ህብረተሰብ በበኩሉ ለበርካታ አመታት አጋጥሞት ላለው ጥራቱን ያልጠበቀ ውሃ መፍትሄ እንዲደረግለት በማለት ለሚመለከታቸው አካላት አቤቱታውን ቢያቀርብም ምንም አይነት መፍትሄ የሚሰጥ አካል ባለመኖሩ ህብረተሰቡ ምሬቱን በተደጋጋሚ በመግለፅ ላይ እንደሚገኝ ምንጮቻችን በላኩልን መረጃ ለማወቅ ተችሏል።