በአፋር ክልል የሚገኙ የኢህአደግ ካድሬዎች ከስርዓቱ የጸጥታ ሃይሎች ጋር በመተባበር ህዝቡን የምርጫ ካርድ እንዲወስድ እያስገደዱት መሆኑን ቷውቋል፣

በደረሰን ዘገባ መሰረት ከጥር 24,2005 ዓ/ም ጀምሮ የፌደራል ፖሊስ ፤ የክልሉ የፖሊስ አባላትና የአከባቢው ታጣቂ ሃይሎች ቤት ለቤት እየዞሩ የሎግያንና የሰመራን ህዝብ ከፍላጎቱ ውጭ የምርጫ ካርድ እንዲወስድ ጫና ቢያደርጉም የአካባቢው ህዝብ ፈቃደኛ ሳይሆን ቀርቷል ፣ የህዝቡ እምቢተኝነት ያሳሰባቸው በአከባቢው የሚገኙ የስርዓቱ ካድሬዎች ስጋታቸውን ለሚመለከትው አካል በመግለጽ ላይ ናቸው፣

ይህ በእንዲህ እያለ የአፋር ክልል የጸጥታና ፍትህ ሃላፊ ስዩም አወል የተባለ ካድሬ በአፍዴራ ጨው በማምረት ላይ የነበሩ ከ 250 ሽህ በላይ የሚሆኑ ዜጎችን ፈቃዳቸውን በመቀማት በጥቅማ ጥቅምና በዝምድና ለሌሎች አሳልፎ በመስጠት ለዓመታት ሲሰሩበት ከነበረው የስራ ቦታ እንዲባረሩ በማድረጉ በአከባቢው ውጥረት መስፈኑ ለማወቅ ተችሏል፣