ካብ ማእኸላይ እዝ፤ ኣብ መበል 23ን 33ን ክፍለ ሰራዊት ዝርከቡ ወተሃደራት ስርዓት ኢህወዴግ ብዝወርዶም ዘሎ ፀገም ምሕደራን ክብሪ መነባብሮን ተማሪሮም ይጠፍኡ ምህላዎም ተፈሊጡ።

    እዞም ናይ ማእኸላይ እዝ፤ ናይ መበል 23ን 33ን ክፍለ ሰራዊት  ኣባላት ዝኾኑ ወተሃደራት፦ ሓለቓ ሓምሳ ዓሊ እንዴሬ፤ ምክትል ሓለቓ ዓሰረተ ከበደ ኣበጀ፤ ወተሃደር መሳይ፤ ዝርከብዎም በቶም ሓለፍቶም ዝወርዶም ዘሎ ኣድልዎ ምሕደራን ክብሪ መነባብሮን ክፃወርዎ ሰለ ዘይከኣሉ ንክፍለ ሰራዊቶም ራሕሪሖም ከም ዝጠፍኡ ምንጭታትና ካብ ዝለኣኽዎ ሓበሬታ ንምፍላጥ ተኻኢሉ።

     ከምኡ’ውን ፈቓድ ናይ 24ን 48ን ሰዓት ንኽዋሃቦም ብምሕታት ኣብ ከተማ ሸራሮ ንኽራኸቡ ተቛፂሮም ሓቢሮም ዝጠፍኡ፦ 2^ተ ምክትል ሓለቓ ዓሰርተ፤ 3^ተ ሓለቓ ዓሰርተ ፤ 3^ተ ተራ ወተሃደራትን ሓደ ሓለቓ ሓምሳን ብጠቕላላ 9^ተ ኣባልት ምክልኻል ሰራዊት ገዛኢ ጉጅለ ኢህወዴግ ብ14 ሚያዝያ 2007 ዓ/ም ጥራሕ ኣሃድኦም ራሕሪሖም እግሮም ናብ ዝመርሖም  ከም ዝጠፍኡ  ተፈሊጡ።