ኣብ ክልል ኣምሓራ ዝርከቡ ሰበ ስልጣን ብኣዴን ኢህወዴግ ከካይድዎ ዝቐንዩ ናይ ምረፁና ጎስጓስ ህዝቢ ስለ ዘይተቐበሎም ኣብ ከቢድ ስግኣት ወዲቖም ምህላዎም ተፈሊጡ።

      እዞም ኣብ ክልል ኣምሓራ ዝርከቡ ሰበ ስልጣን  ብኣዴን/ኢህወዴግ ኣብ ዝመፅእ ግንቦት ንዝካየድ ምስሉይ መረፃ ህዝቢ ንኽመርፆም ዘካይድዎ ዘለዉ ጎስጓስ ብህዝቢ ተቐባልነት ስለ ዝሰኣኑን ኣንፃር እቲ ስርዓት ዝካይድ ዘሎ ተቓውሞ ልዕሊ ዓቕሞም ይኾኖም ብምህላዉን ንተቓውምቲ ዉድባት ክመርፁ ይኽእሉ ኢሎም ንዝጠርጠርዎም ንፁሃን ዜጋታት ንህቢ ዝሓዘ ፖስተር ቀዲድኩም ብዝብል ሰበብ ይኣስርዎም  ምህላዎም ተገሊፁ።

   ካብቶም ንህዝቢ ዘለዎ ፖስታር ቀዲድኩም ተባሂሎም ብዘይዋዓልዎ በቲ ስርዓት ካብ ዝተኣስሩ ሰባት ሙስጦፋ ዓሊ ነባርነቱ ደቡብ ወሎ ቦረና፤                                                                                                                                                                                                                                                                                                                                                                                                                                                                                                   መኩየ ሃይሉ ካብ ከተማ ባህርዳር ቀበሌ 03፤ ታደሰ ጌቱ ካብ ላሊበላን ካልኦትን ምዃኖም ድሕሪ ምግላፅ  እንተኾነ እቲ ህዝቢ በቲ ኣብ ልዕሊኡ ዝወርድ ዘሎ ግፍዕታት ተፃዊሩ ብኢህወዴግ ኣይንግዛእን ብምባል ተቓውሞኡ ይቕፅል ምህላዉ ምንጭታትና ካብ ዝተፈላለዩ ካባቢታት እቲ ክልል ዝለኣኹልና  ሓበሬታ የመልክት።