ኣብ ምዕራብ እዚ ዝርከቡ ኣባላት ሓይሊ ኣየር ብዘይተፈልጠ ምኽንያት ሞባይሎም ተመንጢሎም እናተፈተሹ ኣብ ውሽጢ እቲ ካምቢ ናይ ደው እሱራት ኮይኖም ከም ዘለዉ ተሓቢሩ።

እቲ ዝበፅሐና ሓበሬታ ከም ዘመላኽቶ እቲ ስርዓት ኣብ ልዕሊ ኣባላት ሓይሊ ኣየር ምዕራብ እዝ ከቢድ ጥርጣረ ስለ ዘለዎ እቶም ሓለፍቲ ናይቲ እዚ ብ16 ሚያዝያ 2007 ዓ/ም ቀትሪ ሰዓት 8፣30  ህፁፅ ኣኼባ ኢሎም ኣኪቦም ሞባይሎም መንጢሎም እናፈተሽዎ ከም ዝወዓሉን ካብቲ ካምቢ ንከይወፁ ድማ ከም ዝተኸልከሉን ተገሊፁ።

    ብተወሳኺ እቶም ኣባላት ሓይሊ ኣየር ኢህወዴግ ብተደጋጋሚ ነቲ ስርዓት ብምቅዋም እናራሕሩሑዎ ናብ ዝጠዓሞም ቦታታት ይኸዱ ከም ዘለውን ብርክት ዝበሉ ሞያተኛታት ከም ዝተኣሰሩ እቲ ዝበፀሐና ሓበሬታ ኣረዲኡ።