ኣብ ሊቢያ ብኣይ ኤስ ኣብ ልዕሊ ዜጋታት ንዝተፈፀመ ግፍዓዊ ቅትለት መንግስቲ ቅልጡፍ ግብረ መልሲ ክህብ ኣለዎ ኢሎም ዝሓተቱ ኣዘዝቲ ሰራዊት ይእሰሩ ምህላዎም ተገሊፁ።

በቲ ዝበፅሐና ሓበሬታ መሰረት ኣብ ምዕራብ እዚ ናይ 7^ይ መከናይዝድ ናይ ሬጅመንት ምክትል ኣዛዚ ዝኾነ ሻለቃ ሙሉኣለም ዝተብሃለ መኮነን ገዛኢ ስርዓት ኢህወዴግ ኣብ ሊቢያን ደቡብ ኣፍሪቃን ከምኡ’ውን ኣብ የመን ኣብ ልዕሊ ኢትዮጵያውያን ዜጋታትና ዝበፅሕ ዘሎ ዘስካሕክሕ ግፍዒ መንግስቲ ብቕልጡፍ ግብረ መልሲ ክህብ ኣለዎ ኢሉ ስለ ዝሓተተ ፀረ ሰላም ኢኻ ተባሂሉ ኣብ ባህርዳር መኮድ ኣብ ዝተብሃለ ቦታ ከም ዝተኣሰረ ንምፍላጥ ተኻኢሉ።

    እቲ ስርዓት ኣብ ልዕሊ ኣይ ኤስ ስጉምቲ ክወስድ ድሌት ስለ ዘይብሉ ሕነ ክንፈዲ ኣለና ዝብል ሕቶታት ንዘልዓሉ ሰባት ከም ፀላኢ እናረኣየ ናብ እሱር ይዳጉኖም ከም ዘሎ ድሕሪ ምግላፅ ኣባላት ምክልኻል ሰራዊት እዉን  ኣብ ልዕሊ ዜጋታት ዝበፅሕ ዘሎ ዘሕዝን ተግባር ቀንዲ ተሓታቲ ኣብ ስልጣን ዘሎ ጉጀለ ስርዓት ኢህወዴግ ምዃኑ በብመድረኹ ብተደጋጋሚ ይገልፁ ከም ዘለው ተፈሊጡ።