ብምኽንያት ንመስርሒ ኢንዳስትሪ ፓርክ ተባሂሎም ካብ ቦቶኦም ዝተፈናቐሉ ነበርቲ ኣዲስ ኣበባ ዝኾኑ ወገናት ቅያር ቦታ ንኽወሃቡ ዝተሓሰበ ቦታ ዝኾነ መሰረተ ልምዓት ከም ዘይቡሉን ንመንበሪ ከም ዘይጥዕምን ገሊፆም።

እቲ ሓበሬታ ከም ዘርደኦ፣ህጅዬን ግርፕ ዝብሃል ዝዓበየ ናይ ቻይና ኩባንያ ኣብ ከተማ ኣዲስ ኣበባ ናይ ኢንዳስትሪ ፓርክ ንኽሰርሕ ቦታ ድሕሪ ምርካቡ ኣብቲ ቦታ ዝሰፈሩ ነበርቲ ብምፍንቓሎም ስዒቡ ቅያር ቦታ ንኽወሃቦም ዝተብሃለ ንምንባር ፉፁም ሙቹው ኣይኮነን ብምባል ከም ዘይተቐቦሉዎ ኣፍሊጦም ክብል እቲ ዝተረኸበ ሓበሬታ ኣረዲኡ።

ብምኽንያት ናይ ህጅዬን ኢንድስትሪ ፓርክ ናይ ዝተልዓሉ ነበርቲ ዝተቛቖመ ኮሚቴ ኣባል ዝኾኑ ኣይተ መንገሻ ብርሃኑ ከም ዝብሉዎ ድማ ክወሃብ ዝግቦኦ ቦታ ካብ ዝተልዓልናዮ ቦታ ካብ ሓደ ኪሎ ሜትር ዙርያ ዘይነውሕ ክኸውን ይግባእ ፣እንተኾነ ግን ክወሃበኩም ዝተብሃልናዮ ቦታ ግን ካብ 10 ኪሎ ሜትር ርሕቐት ንላዕሊ ዘሎዎ ዙርያ ብምዃኑ ፣እዚ ካብ ማሕበራዊ ሂወትና የረሓሕቐና ፣እቲ ዝወሃበና ቦታ መሰረተልምዓት ዝተማለአሉ ክኸውን እዩ ዘሎዎ፣እቲ ሕዚ ተሓሲቡ ዘሎ ግን ፉፁም መሰረተ ልምዓት ዝበሃል የቡሉን ድሕሪ ምባል ፣ወሲኾም ድማ እቲ ምምሕዳር ናይቲ ክፍለ ከተማ ኣቐዲሙ 3 ቦታታት ኣርእዩ ድልየትና ክርዳእ ነይሩዎ ፣ይኹን እንበር እቲ ምምሕዳር ብሓደ ግዜ እቲ ቦታ ንክንርከብ ዕጫ ክወፅእ ገይሩ፣ እዚ ድማ ካብ ሕጋዊ ኣሰራርሓ ወፃኢ እዩ ብምባል ከም ዝገለፁ እቲ ሓበሬታ ኣረዲኡ።