ኣብ ከተማ ዓዲ ግራት ንማይ ልምዓት ተባሂሉ ዝተመደበ ባጀት ሓላፊ ናይቲ ቤት ፅሕፈት ዝኾነ ውልቀ ሰብ ኣብ ናይ ውልቀ ዋኒኑ የውዕሎ ከም ዘሎ ኣብ’ታ ከተማ ዝርከቡ ምንጭታትና ሓቢሮም፣፣

ብመሰረት ሓበሬታ ምንጭታትና ኣብ ከተማ ዓዲ-ግራት ንማይ ልምዓት ተባሂሉ ዝተመደበ ባጀት ህዝቢ ብሰንኪ ሕፅረት ዝስተ ፅሩይ ማይ እናተሳቐየ እንከሎ መምህር ወላይ ዝተብሃለ ናይቲ ማይ ልምዓት ሓላፊ በቲ ንልምዓት ተባሂሉ ዝተመደበ ባጀት ፅርየቱ ዘይሓለወ ኣቑሑት እናዓደገ ገንዘብ ብምትራፍ እቲ ባጀት ንውልቁ የውዕሎ ከም ዘሎ ተፈሊጡ፣፣

  

    ነዚ ግዕዙይ ኣካይዳ ናይቲ ሓላፊ ብምግንዛብ ትኽክል ኣይኮነን ኢሎም ዝተቓወምዎ ሰራሕተኛታት ናይ’ቲ ከተማ ልምዓት ማይ ድማ ዝተፈላለዩ ምኽኒታት እናፈጠረ ነቶም ሰራሕተኛታት ካብ ስርሖም የባርሮም ከም ዘሎ ተፈሊጡ፣፣