ልዕሊ 300 መካይን ብጉምሩክ ተታሒዘን ንኽልተ ዓመታት ብዘይዝኾነ ስራሕ ካብ ጥቅሚ ወፃኢ ኮይነን ከም ዝተቐመጣ ተገሊፁ።

ከም ኣገላልፃ አዲስ አድማስ እንተኾይኑ አጎብናይ ትካላት፣ ሰበ ስልጣን ሓለፍቲ ዕዳጋን ጉምሩክን ቅሬታና ንምስማዕ ኮነ ንዓና ንምዝርራብ ፍቓደኛ ብዘይምዃኖም ምንግልታዕ በፂሑና ክብሉ ኣብ ዘካየድዎ ኣኼባ ገሊፆም።

   ናይ’ቲ ማሕበር ኣባላት ዝኾኑ አጎብናይ ትካላት፣ ካብ ቤት ፅሕፈት’ቲ ባዓል ስልጣን ከቢድ ፀቕጥን ምንግልታዕን ከም ዝበፅሖም እቲ ማሕበር ንኣባላቱ ወኪሉ ምስ ገለፀ፤ ፀረ ሙስና ኮሚሽን ናሃታቶም ሓበሬታ ዝቕበል ዴስክ ንኽኸፍት ሓቲቶም።

   አጎብናይ ትካላት ሃገራዊ ቱሪዝም ስራሓቶም ንምዕባይ ካብ ወፃኢ ዘእተዉወን ልዕሊ 300 መኻይን ዝኾነ ስራሕ እንተይጀማራ ተታሒዘን ንክልተ ዓመታት ብዘይምንም ምኽንያት ኣብ ቀፅሪ ጉምሩክ ውሽጢ ጠጠው ምባሎም፣ ናይ’ቲ ማሕበር አባላት ድሕሪ ምግላፅ፣ ናብ ሓለፍቲ እቲ በዓል ስልጣን እንተኸዱ’ውን መፍትሒ ከም ዘይረኸቡ ኣገንዚቦም።

    ኣስዒቦም ካብ ሓለፍቲ ንልዕሊ ክልተ ዓመት ፍታሕ ኣብ ልዕሊ ምስኣኖም ምግልታዕን ብርክት ዝበለ በደላትን ከም ዝፈፀምሎም ዝገለፁ ኣባላት እቲ ማሕበር፣ ነዚ ብግልፂ ዘርእዩ መረዳእታታት ከም ዘለዎምን ፀረሙስና ኮሚሽን ንኽቕበሎምን ዘለዎም ተስፋ ወሲኾም ገሊፆም።