ኣብ ከተማ ባህርዳር ብሽም ሌተናል ጀነራል ኣበባው ታደሰ ዝስራሕ ዘሎ ሚልዮናት ወፃኢ ዝተገብረሉ ዘመናዊ ኣባይቲ፣ መዘራረቢ ህዝቢ ኮይኑ ከም ዘሎ ተፈሊጡ።

እቲ ኣብ ከተማ ባህርዳር ቀበሌ 15 ዝህነፅ ዘሎ ህንፃ ዋንነቱ ኣዛዚ ናይ ማእኸላይ እዚ  ዝኾነ ኣበባው ታደሰ፣ ናይ’ቲ ላዕለዎት ኣዘዝቲ ሰራዊትን ሰበ ስልጣን መንግስትን ዘስርሕዎ ዘለው ሚልዮናት ዝውድእ ዘመናዊ ኣባይቲ መቐፀልትኡ ምዃኑ ዝገለፀ እቲ ሓበሬታ፤ ህዝቢ ባህርዳር  በቲ ተግባር  ተቓውምኡ የስምዕ ከምዘሎ ካብ ‘ቲ ከተማ ዝበፅሐና ሓበሬታ ገሊፁ፣፣

ቅድም ክብል ሰበ ስልጣን መንግስቲ ሃፍቲ ህዝብን ሃገርን እናጋሓጡ ዘስርሕዎ ዘለው ትካላት፣ ህዝቢ ኩሉ ግዜ ኣብ ምቅዋም ከም ዝርከብ፣ እዚ ብሌተናል ጀነራል ኣበባው ታደሰ ዝስራሕ ዘሎ ፕሮጀክት ግን፤ ኣብ’ቲ ስራሕ ኣባይቲ ብርክት ዝበላ ማሽናት ተዋፊረን ብምህላወን፤ ነዚ ድማ ህዝቢ ከተማ ባህርዳር ብኣትኩረት ይከታተሎን ተቓውምኡ እናስመዐ ከም ዝርከብን ምንጭታትና ካብቲ ቦታ ኣረዲኦም።