ኣብ ከተማ ባህር ዳር ዝርከቡ ካድረታት ገዛኢ ጉጅለ ብኣዴን-ኢህወዴግ ኣባላት መድረኽ ንዝኾኑ ዜጋታት ይጨውዩ ከም ዘለዉ ምንጭታት ካብ’ታ ከተማ ዝለኣኽዎ ሓበሬታ ኣመልኪቱ።

ኣብ ክልል ኣምሓራ ከተማ ባህርዳር ዝርከቡ ካድረታት ስርዓት ኢህወዴግ ኣባላት መድረኽ ንዝኾኑ ንፁሃት ዜጋታት ጨዉዮም የጥፍእዎም ምህላዎም ዝገለፀ እቲ ሓበሬታ ካብኣቶም ገለ ንምጥቃስ ኣይተ ቴዎድሮስ መለስ፤ ወ/ሮ ሪዒማ ከድር፤ ኣይተ ተፈራ ማሙ ኣብ ባህርዳር ዩኒቨርስቲ መምህር ዝኾኑንን ካልኦትን ብ27 ታሕሳስ 2007 ዓ/ም ተጨውዮም ምስ ተወሰዱ ክሳብ ሕዚ ሃለዋቶም ከም ዘይፍለጥ ተገሊፁ።

  ሰበ ስልጣን ኢህወዴግ ኣብ መፃኢ ወርሒ ግንቦት 2007 ዓ/ም ከነካይዶ ኢና ዝብልዎ ዘለዎ ምስሉይ መረፃ ንተቓወምቲ ውድባት ክመርፁ ተኽእሎ ኣለዎም ንዝበልዎም ዜጋታትና መርትዖ ዘየብሉ ናይ ሓሶት ምኽኒት ኣናፈጠሩ ይኣስሩን ይጨዉዩን ከም ዘለው እቲ ሓበሬታ ወሲኹ ኣረዲኡ።