ጉጅለ ስርዓት ኢህወዴግ ንአባላት ተቓወምቲ ውድባት ዝኾኑ ወገናት ኣብ ምእሳርን ምፍርራሕን ተፀሚዱ ከም ዝርከብ ተሓቢሩ።

    ከም ሓበሬታ ምንጭታትና ኣብ ክልል ህዝብታት ደቡብ ዞባ ከምባታ፤ ወረዳ ጫጬቢራ ዝርከቡ አባላት ተቓዋሚ ውድብ ኢዴፓ ንዝኾኑ ሰባት ዕላምኦም ንህዝቢ ንምፍላጥ ናብ ህዝቢ ኣብ ዝኸድሉ ግዜ ናዕቢ ክተልዕሉ ኢኹም ትኸዱ ዘለኹም ብዝብል ሕሱር ምኽንያት ካድረታት እቲ ስርዓት ልኡዃቶም ብምዉፋር ኣብ ምእሳርን ምፍርራሕን ተፀሚዶም ከም ዝርከቡ ተገሊፁ።

    ኣብ’ቲ ዞባ ኣብ ከተማ ሽሽቾ ሓላፊ ቤት ፅሕፈት ውድብ ኢዴፓ ንዝኾነ ኣይተ ደገፉ ዮናስ ዝተብሃለ ወገን ካድረታት ኢህወዴግ እቲ ከባቢ ብተደጋጋሚ ሰባት እናለኣኹ ምቅዋም ግደፎ ይብልዎ ምንባሮምን ዝገለፀ እቲ ሓበሬታ ንሱ ግን ሓንሳብ ኣሚነሉ ዝኣተኹዎ ዕላማ ኣይገድፎን ስለ ዝበሎም ብ16 ሚያዝያ 2007ዓ/ም ምስ ህዝቢ ንከይራኸብ ክብሉ ገበነኛ ኢኻ ብምባል ኣብ ወረዳ ጫጬቢራ ፖሊስ ጣቢያ ተኣሲሩ ከም ዝርከብ ንምፍላጥ ተኻኢሉ።