ኣብ ክልል ደቡብ ኢትዮጵያ ‘’ማጅራት ገትር’’ ብዝተብሃለ ሕማም ብዙሓት ወገናትና ግዳይ ሞት ይኾኑ ከም ዘለዉ ካብቲ ከባቢ ዝተረኸበ ሓበሬታ ኣመልኪቱ፣

እቲ ሓደገኛን ግዜ ዘይህብን ሕማም ማጅራት ገትር  ኣብ  ደቡብ ክልል  ኢትዮጵያ  ኣብ ዝተፈላልዩ  ወረዳታትን ጣብያታትን ዝርከቡ ወገናትና ንሞት ከም ዘሳጠሖም ዝገለፀ እቲ ሓበሬታ። ብፍላይ በጨፌን። ባላሉን ኣብ ዝተባሃሉ ከባቢታት እቲ ሕማም ዝበዝሐ ናይ ሞት ሓደጋት  ዝኽሰተሉ ዘሎ  ከባቢ ምዃኑ ምንጭታት ይገልፁ፣

    እቲ ሓበሬታ ወሲኹ ኣብ ኣዋሳ ከተማ በዚ ማጅራት ገትር ዝተብሃለ ሕማማ ዝተጠቕዑ ዜጋታትና ቁፅሪ ብምዉሳኹ። ሃደሌ ኣብ ዝተብሃለ ጥዕና ጣብያ ጊዜያዊ መፅለሊ ድንኳን (ቴንዳ) ክድቃሱ‘ኳ እንተተገብረ። እንተኾነ ቁፅሪ ሕሙማት ብሓያል ናህሪ ይወስኽ ብምህላዉ ንምቑፅፃሩ ኣፀጋሚ ኮይኑ ምህላዉ ተገሊፁ፣

    እቶም ኣብ ሩሑቕ ገጠራት እቲ ክልል በቲ ሕማም ተታሒዞም ዝርከቡ ዜጋታትና ብሰንኪ ሕፅረት ጥዕና ጣብያን መጓዓዝያን ሓያሎ ሰባት ህይወቶም ይስእኑ ምህላዎም ዝገለፀ እቲ ሓበሬታ። ኣብ  ከባቢ ዓበይቲ ከተማታት እንተኾነ’ውን መንግስቲ ነቲ ለበዳ ሕማም ቆላሕታ ስለ ዘይገበረሉ። ብዋሕዲ መድሓኒትን ሓካይምን  ህፃውንትን ኣዴታትን ብዕድመ ዝደፍኡ ሽማግለታትን ቀንዲ ግዳያት ኮይኖም ከም ዘለዉ ኣገንዚቡ፣